Tablau ar draws yr MIS

Mae ein tablau’n cynnig taenlen bwerus â nodweddion hwylus fel chwilio, modd sgrin lawn, a hidlo a newid maint colofnau.

Rydyn ni’n chwilio’n barhaus am ffyrdd o wella, felly os oes unrhyw adborth gennych, croeso i chi ei rannu yma: Tablau gwell yn Arbor
 

Gweithredoedd torfol

Gellir defnyddio’r botwm Gweithredoedd torfol ar gyfer golygu torfol, ac i gymryd camau pellach hefyd! Gallwch weld y manylion llawn am ddefnyddio’r nodwedd hon yn y fan yma: Sut a beth y gallaf ei ddiweddaru gan ddefnyddio gweithredoedd torfol?

Ar ôl dewis y celloedd (golygadwy) i’w diweddaru, cliciwch y botwm Gweithred torfol i newid gwerthoedd y celloedd yn dorfol.

I gymryd camau pellach, ticiwch y blychau wrth enwau’r myfyrwyr wedyn cliciwch y botwm Gweithred Torfol i gymryd camau pellach neu ddilynol, fel anfon neges.

Lawrlwytho a dadansoddi

Dadansoddi data i chi

Cewch ffigurau cyfanredol cywir o’r tabl, heb orfod eu hallforio a’u cyfrifo! Dewiswch y celloedd trwy:

• ddefnyddio’r botwm shift i ddewis meysydd ar ffurf petryal
• clicio ar faes a’i lusgo nes bod pob un wedi ei ddewis
• dal y botwm rheoli a dewis y gwerthoedd rydych chi am eu dadansoddi

Ar waelod y tabl, fe welwch chi’r bar statws a fydd yn dangos Cyfartaledd, Cyfrifiad, Gwerth isaf, Gwerth uchaf a Swm yr holl gelloedd a ddewiswyd!

Awgrymiadau:

• Dim ond y Cyfrifiad y bydd celloedd an-rifol ac amser/dyddiad yn ei ddangos
• Ni fydd y bar statws yn ymddangos os ydych chi wedi dewis cell â chwymplen.
• Gallwch gopïo a gludo gwerthoedd y bar statws.

Creu siartiau a graffiau yn Arbor

Mae ein nodwedd Troi Tabl yn Siart yn rhoi’r gallu i chi greu delweddau data o’r data rhifol yn eich tablau. Mae rhagor o fanylion yma: Creu, lawrlwytho ac argraffu siartiau a graffiau o ddata Arbor

Lawrlwytho tablau yn Excel, PDF, CSV, a fformatau eraill

Os oes angen i chi lawrlwytho eich data i wahanol fformatau fel Word neu PDF, cliciwch y botwm Lawrlwytho ar frig y tabl. Gallwch weld rhagor am ddefnyddio’r nodwedd hon yn y fan yma: Lawrlwytho ffeiliau o Arbor.

Awgrym: Gallwch addasu rhai meysydd ychwanegol i greu allbwn wrth greu lawrlwythiadau Excel neu Ffrwd Fyw: Addasu’r lawrlwythiad gyda Chodau Unigryw Myfyrwyr

Newid trefn a maint

Cliciwch ar benawdau’r colofnau i’w trefnu o’r uchaf i’r isaf neu yn nhrefn yr wyddor.

Wrth newid trefn colofn, os daliwch y botwm Shift i lawr a chlicio ar bennawd colofn arall, bydd hynny’n newid trefn sawl colofn. Awgrym: Os oes sawl tudalen yn eich tabl, bydd hyn yn gweithio ar y dudalen rydych chi arni ar y pryd yn unig.

Cliciwch a llusgwch y llinell rhwng penawdau dwy golofn i newid maint y golofn. Gallwch lusgo a gollwng eich colofnau i unrhyw drefn sy’n gweithio i chi, a byddwn ni’n eu cofio nhw pan fyddwch chi’n dychwelyd i’r dudalen eto.

Dylid nodi na chewch newid trefn rhesi - byddai angen allforio neu Ffrydio’ch tabl i wneud hynny.

Newid uchder y tabl

Gallwch ymestyn uchder tabl i hyd at 480px i ffitio ar y mwyafrif o sgriniau.

Cliciwch y botwm Ehangu tabl i naill ai:

• ehangu’r tabl i lenwi’r ffenestr. Awgrym: Gallwch chwyddo allan ar eich porwr a gwneud hyn drosodd a thro.
• ehangu’r tabl i 600px, os yw’r tabl eisoes yn eistedd ar waelod y dudalen ac na allwch chi sgrolio.

Caiff hyn ei gadw fesul defnyddiwr, fesul tabl.

Cliciwch Ailosod y tabl i ddychwelyd i uchder tabl o 480px.

Os nad oes unrhyw ddata o gwbl ar dabl, neu os nad oes digon o ddata i lenwi’r dudalen i gyd, ni fydd modd gweld y botwm, a bydd uchder y tabl yn 208px.

Y botymau opsiwn ar y brig

Defnyddiwch y saethau i ddadwneud neu ail-wneud y cam diwethaf a gyflawnwyd.

Awgrym: Gallwch ddefnyddio eich botymau cad (ctrl ar Mac) + Z i ddadwneud cofnod data.

Cewch ddewis a ydych am guddio unrhyw golofnau gan ddefnyddio’r nodwedd Cuddio colofnau - yn syml, tynnwch y tic o’r blwch ac ni fydd y golofn yn ymddangos mwyach. Awgrym: Gallwch glicio a llusgo colofn oddi ar y sgrin i’w chuddio hefyd!

Cliciwch y botwm Blychau cyngor i guddio neu ddatguddio’r blychau cyngor sy’n dangos rhagor o wybodaeth wrth hofran uwchben unrhyw faes.

Defnyddiwch y botwm cogyn i:

• newid maint eich bylchau a’ch testun - os yw’r uchder yn llai na 700px, bydd yn addasu ei uchder yn ddiofyn i gyd-fynd â chynnwys y tabl, ac os yw’n fwy na 700px, bydd uchder y tabl yn aros yn 700px, a bydd yn sgrolio’n fewnol.
• ailosod gosodiadau eich tabl
• analluogi lliwiau yn y celloedd
• galluogi ffiniau colofnau fertigol yn eich tabl

Awgrym: Ni fydd hyn yn newid unrhyw ddata yn y tabl, dim ond sut mae’r tabl yn ymddangos. Mae hyn yn cael ei gadw fesul defnyddiwr fesul tabl hefyd, felly bydd angen ei alluogi ar eich hoff dablau.

Defnyddiwch yr ehangydd i ddangos golwg sgrin lawn o’ch tabl.

Chwilio, trefnu a hidlo’ch tabl

Defnyddiwch y bar chwilio i ddod o hyd i ddarnau penodol o ddata yn y tabl, fel chwilio am enw myfyriwr.

Cliciwch yr eicon hidlo i ddewis pa wybodaeth i’w chynnwys yn eich tabl.

Cliciwch yr eicon â thri dot i ddewis y colofnau i’w pinio ac ymhle, ac i awtofeintio’r golofn a ddewiswyd neu’r holl golonau yn y tabl hefyd.

Gallwch weld nifer y canlyniadau neu resi ar waelod y tabl bob tro.

• Wrth hidlo, byddwn ni’n dweud wrthych chi sawl un sydd wedi cael eu hidlo allan.
• Os oes sawl tudalen i’r tabl, byddwn ni’n rhoi gwybod i chi sut mae’r hidlydd wedi gweithio.

Nid oes angen dileu’r testun trwy ddileu am yn ôl i glirio’ch hidlyddion. Yn syml, cliciwch y botwm Ailosod i dynnu unrhyw hidlyddion.

Gwahanol ffyrdd o gofnodi eich data

Awgrym: Dim ond y meysydd golygadwy y gallwch eu llenwi (y meysydd â saeth neu eicon pensil).

Llenwch y maes trwy deipio a gwasgu enter er mwyn symud i’r gell nesaf i lawr. Neu gallwch glicio ar eicon y pensil os ydych am ddefnyddio’ch llygoden.

Cliciwch gornel isaf maes ar y dde a’i lusgo i lawr i lenwi celloedd torfol.

Gallwch gopïo neu dorri torrwch a gludo o unrhyw ffynhonnell ar draws nifer o feysydd.

• I gopïo, dewiswch y meysydd a’u llusgo nes eich bod wedi eu dewis nhw i gyd, wedyn defnyddiwch Ctrl+C (Windows) neu Cmd + C (Mac).
• I dorri (copïo a dileu), dewiswch y meysydd a’u llusgo nes eich bod wedi eu dewis nhw i gyd, wedyn defnyddiwch Ctrl+X (Windows) neu Cmd + X (Mac).
• I ddileu, dewiswch y meysydd a’u llusgo nes eich bod wedi eu dewis nhw i gyd, wedyn defnyddiwch y botwm dileu neu ddileu am yn ôl.
• I ludo, dewiswch y meysydd a’u llusgo nes eich bod wedi eu dewis nhw i gyd, wedyn defnyddiwch Ctrl+V (Windows) neu Cmd = V (Mac).

Mae’n bosibl y bydd angen i chi gytuno i rannu data o’ch Clipfwrdd ag Arbor trwy glicio Caniatáu yn y ffenestr naid.

Os nodir gwerth annilys, ni chaiff y gwerth ei gadw, a chaiff y maes ei ailosod yn wag.

Os gludwch chi werth annilys, caiff y wybodaeth ei dal gan y golygydd. Bydd yn tynnu sylw at y gwerth annilys trwy ei droi’n goch, ac chaiff y data ei anfon at feysydd eraill yn Arbor nes i chi ei gywiro.

Os ceisiwch chi symud i dudalen arall yn Arbor, byddwn ni’n gofyn i chi a ydych chi am barhau i olygu, neu am lywio i ffwrdd a dileu’r data annilys.

Os byddwch chi’n adnewyddu’r dudalen, yn cau eich ffenestr neu’ch tab, neu’n gadael Arbor, ni chaiff y gwerth annilys ei gadw. Cewch neges naid i ofyn i chi gadarnhau a ydych am adael y dudalen o hyd.

Mae rhai tablau’n gofyn eich bod chi’n pwyso cadw neu anfon i storio’r data a fewnbynnwyd. Yn achos y tablau hyn, byddwn ni’n eich rhybuddio os ydych chi’n ceisio llywio i ffwrdd heb gadw eich newidiadau.

Tablau mewn blychau llithro

Mewn blychau llithro lle gallwch ychwanegu rhesi ychwanegol, mae’r tablau yn llai er mwyn arbed lle, ac nid ydynt yn dangos yr opsiynau canlynol:

• bar chwilio
• cuddio colofnau
• lawrlwytho
• newid trefn colofnau

Os ceisiwch chi gadw’r tabl â data annilys (fel dyddiad mewn fformat annilys) byddwn ni’n rhoi gwybod i chi fod angen ei gywiro.

Awgrym: Fe welwch chi negeseuon fel hyn ar dablau sy’n seiliedig ar ffurflenni, nid mewn blychau llithro (unrhyw un sydd ddim yn cadw’n awtomatig ond sydd â botwm cadw/anfon).