Ewch i Myfyrwyr > Rhieni a Gwarcheidwaid > Ap a Phorth > Gosodiadau’r Ap Rhieni. Ar y dudalen hon, gallwch ddiweddaru’r gosodiadau i alluogi neu atal gwarcheidwaid rhag cyrchu rhai mathau o ddata. Gallwch alluogi neu analluogi mynediad i’r Porth Rhieni a’r Ap Rhieni o’r dudalen hon hefyd.
Cyn cynnau’r Porth Rhieni, sicrhewch fod y data cywir ar ddangos i rieni yn unig. Er y gallwch ddiwygio hyn unrhyw bryd, trwy osod eich dewisiadau cyn cynnau’r Porth Rhieni, gallwch sicrhau nad oes unrhyw ddata ychwanegol yn cael ei rannu.
Awgrym: Trwy gynnau nodwedd, bydd holl ddata’r gorffennol, y presennol a’r dyfodol yn ymddangos yn yr ardal hon. Ni ellir newid hyn. Er enghraifft, bydd cynnau ymddygiad yn dangos yr holl ddigwyddiadau, pwyntiau ac ati yn y gorffennol.
Caniatâd
Bydd angen caniatâd Gweinyddu Cyffredinol: Gweinyddu arnoch. Os nad oes caniatâd gennych, bydd angen i chi ofyn i’ch tîm gweinyddu rhoi caniatâd i chi gan ddilyn y cyfarwyddiadau hyn.
Gwirio a Golygu Gosodiadau’r Porth Rhieni
Ewch i Myfyrwyr > Rhieni a Gwarcheidwaid > Ap a Phorth > Gosodiadau’r Porth Rhieni.
Gweithgareddau
Cliciwch ar un o’r meysydd i ddewis a ydych am ddangos clybiau neu deithiau ar y Porth Rhieni. Mae hyn yn golygu bod rhieni’n gallu gweld clybiau/teithiau y mae’r myfyriwr yn gymwys ar eu cyfer, yn cymryd rhan ynddynt, ac wedi eu mynychu, yn ogystal â chofrestru a thalu am glybiau newydd (os yw’ch ysgol wedi galluogi taliadau â cherdyn).
Os ydyn nhw wedi eu galluogi, bydd y dangosfwrdd a phroffil y myfyriwr yn dangos hyn hefyd.
Asesiadau
Cliciwch ar un o’r meysydd i ddewis a ydych am ddangos canlyniadau Cynnydd neu dracio’r cwricwlwm.
Os ydyn nhw wedi eu galluogi, bydd y dangosfwrdd a phroffil y myfyriwr yn dangos hyn hefyd.
Presenoldeb
Cliciwch ar y maes i ddewis a ydych am ddangos Presenoldeb ai peidio.
Os yw hyn wedi ei alluogi, bydd y dangosfwrdd a phroffil y myfyriwr yn dangos hyn.
Ymddygiad
Yn Ymddygiad gallwch ddewis arddangos Nodiadau, Cosbau, Digwyddiadau Ymddygiad a Graddfeydd Dyfarnu Pwyntiau.
Cliciwch ar dop y rhestr i olygu a ddylai Nodiadau Ymddygiad a Chosbau gael eu harddangos.
Gallwch ddewis a ydych am ddangos digwyddiadau cadarnhaol neu negyddol i’r rhieni – mae hyn wych os ydych chi am rannu eich digwyddiadau cadarnhaol ond nid y rhai negyddol!
Dylid nodi y bydd pob math o ddigwyddiad wedi gosod i “Na” yn awtomatig. Os ydych chi am iddyn nhw ymddangos ar y porth rhieni, cliciwch i doglo’r nodwedd yma.
Os yw hyn wedi ei alluogi, bydd hyn yn ymddangos ar y dangosfwrdd ac ar broffil y myfyriwr.
Gallwch ddewis a ydych am ddangos eich Graddfeydd Dyfarnu Pwyntiau Ymddygiad i rieni – mae hyn yn wych os ydych chi am rannu eich graddfa gadarnhaol, ond nid yr un negyddol! Gallwch doglo hefyd a ydych am gynnwys sylwadau, pwy ddyfarnodd y pwyntiau, ac ym mha ddigwyddiad.
Newidiwch y maes y Dangos y raddfa bwyntiau a chliciwch Cadw Newidiadau.
Wedyn bydd y pwyntiau i’w gweld ar y Porth Rhieni.
Arholiadau
Gallwch ddewis arddangos Amserlen Arholiadau’r flwyddyn academaidd gyfredol a rhai’r gorffennol, a chaniatáu i rieni ei lawrlwytho fel ffeil PDF. Gallwch ryddhau cofrestriadau am arholiadau a chanlyniadau arholiadau (gan gynnwys canlyniadau arholiadau mewnol) hefyd. Bydd y canlyniadau ar gael i’w gweld ar ôl i ddyddiad yr embargo a’r cyfnod o amser rydych chi wedi ei ddewis fynd heibio hefyd.
Mae’r nodweddion hyn wedi eu gosod yn awtomatig i ‘Na’ yn ddiofyn.
Cysylltiadau
Yn Cysylltiadau, gallwch ddewis arddangos a galluogi negeseuon Yn yr Ap am gysylltiadau nad ydynt yn sensitif o ran amser â rhieni. I gael rhagor o fanylion am ddefnyddio negeseuon Yn yr Ap, darllenwch yr erthygl hon.
Taliadau
Mae dangos cyfrifon yn caniatáu i rieni weld eu balans a gwneud taliadau â cherdyn am Brydau Bwyd, Clybiau neu Deithiau.
Mae’n penderfynu a gaiff rieni weld y balans cyffredinol ar gyfer eu cyfrifon ai peidio hefyd.
Awgrym: Bydd hyn yn dangos £0 os yw pob balans yn sero neu pob un yn bositif. Dyluniwyd y system fel hyn fel nad yw balans positif ar un cyfrif yn cuddio swm negatif sy’n weddill ar gyfrif arall.
Mae’r nodwedd yma wedi ei chynnau’n ddiofyn. Os ydych chi am ei diffodd, cliciwch ar y maes Cyfanswm taliadau, ei newid i ‘Na, peidiwch â dangos cyfanswm y taliadau’ wedyn clicio ‘Cadw Newidiadau’.
Gallwch ddewis:
- Dangos y cyfrifon talu, ond nid cyfanswm y Taliadau
- Dangos y ddau
- Peidio â dangos y naill na’r llall
Awgrym: Rhaid i chi fod wedi dewis dangos y cyfrifon i ddangos cyfanswm y Taliadau. Ni chewch ddangos cyfanswm y Taliadau heb ddangos y cyfrifon yn gyntaf.
Gallwch ddewis a ydych am ddangos pob Math o Gyfrif Cwsmer a sefydlwyd ar y porth rhieni - sy’n ddefnyddiol os yw rhai cyfrifon at ddefnydd yr ysgol yn unig. Mae hyn yn pennu hefyd pa gyfrifon y gall rhieni wneud taliadau â cherdyn ar eu cyfer.
Gallwch gyflawni hyn hefyd o’r dudalen Ysgol > Taliadau > Trefnu > Mathau o Gyfrifon Cwsmeriaid. Cliciwch yma i ddysgu sut.
Os ydych chi’n dewis ddiffodd popeth, bydd yn edrych fel hyn, ac ni fydd y rhieni’n gallu gweld nac ychwanegu at eu balans.
Manylion Myfyrwyr
Gallwch reoli faint o wybodaeth am y myfyrwyr y gall rhieni ei gweld a’i golygu ar Broffil Myfyriwr eu plentyn. Dylid nodi y gellir gofyn am gydsyniad yr ysgol ar gyfer unrhyw newidiadau. Gweler yr adran isod am fanylion.
Cliciwch ar faes i olygu’r gosodiadau hyn.
Y Calendr a’r Amserlen
Defnyddiwch yr adran hon i ddewis a ydych am ganiatáu i warcheidwaid lawrlwytho amserlen PDF i’w hargraffu trwy’r Porth Rhieni neu’r Ap: Y Calendr a’r amserlen ar y Porth Rhieni a’r Ap Rhieni
Y gosodiad Dangos calendr y flwyddyn academaidd newydd sy’n pennu a ddylai rhieni/gwarcheidwaid gael gweld y calendr ar gyfer y flwyddyn academaidd newydd wrth fewngofnodi i’r Porth/Ap Rhieni ai peidio.
Mae’r gosodiad Modd dangos staff ar galendr y Porth Rhieni yn dangos a ddylai enwau staff ymddangos ai peidio, ac os felly, sut. Yr opsiynau yw Staff Byw (diofyn, yn dangos pwy sy’n cyflenwi mewn amser real), Staff a aseiniwyd (sy’n dangos pwy yw’r athro/athrawes ar yr amserlen yn unig), neu Dim staff (cuddio’r enwau). Mae rhagor am hyn yma: Rheoli sut mae enwau staff yn ymddangos ar galendrau ac amserlenni myfyrwyr a gwarcheidwaid
Mae’r gosodiad Amserlen myfyrwyr i’w lawrlwytho a’i hargraffu yn eich galluogi i reoli a gaiff rhieni lawrlwytho copïau PDF o’r amserlen ai peidio. Ar ôl cynnau hyn, gallwch ddewis fformat ar gyfer argraffu amserlenni.
Gallwch ddewis pa fathau o ddigwyddiadau i’w cynnwys yn y fersiwn i’w hargraffu hefyd. Yn ddiofyn, bydd hyn yn cynnwys Gwersi yn unig, ond gallwch ddewis mathau ychwanegol o ddigwyddiadau (ymyriadau, cosbau, gwaharddiadau, arholiadau, clybiau neu deithiau) gan ddefnyddio’r gwymplen.
Y nodwedd arall yn yr adran hon yw’r gallu i guddio calendr y flwyddyn nesaf. Mae ysgolion wedi dweud wrthym ni eu bod am weithio ar Galendr Academaidd y flwyddyn nesaf heb i bobl ei weld cyn pryd.
Mae gosodiad o’r enw Dangos calendr y flwyddyn academaidd nesaf wedi cael ei ychwanegu er mwyn sicrhau nad oes modd i neb, heblaw’r bobl sy’n gweithio arnyn nhw, weld y calendrau nes eu bod nhw’n barod.
Mae’r gosodiad yma wedi ei ddiffodd yn ddiofyn sy’n sicrhau nad oes modd cyrchu calendrau sydd ar y gweill.
Noder: nid oes modd atal dangos calendr am y flwyddyn academaidd gyfredol yn llwyr; dim ond calendr y flwyddyn nesaf a’r amserlenni i’w hargraffu y gellir cyfyngu arnynt. Gall rhieni weld yr holl ddigwyddiadau a mathau o ddigwyddiadau ar amserlen eu plentyn yn ystod y flwyddyn academaidd gyfredol trwy’r calendr ar y Porth Rhieni neu’r Ap.
Derbyn newidiadau i Gofnod y Myfyriwr yn Awtomatig/â Llaw
Trwy ddefnyddio’r gosodiadau yn yr ardal Diogelwch a Phreifatrwydd gallwch doglo i ddewis a gaiff rieni olygu manylion sylfaenol amdanyn nhw a’u plant. Cofiwch, y Prif Warcheidwaid yn unig gaiff cyrchu’r Porth Rhieni.
Os nad ydych am i Arbor dderbyn newidiadau’n awtomatig heb unrhyw ddilysu gweinyddol neu gydsyniad gan yr ysgol, gwnewch yn siŵr eich bod wedi gosod hyn i 'Na, peidiwch ag awto-dderbyn newidiadau i gofnodion myfyrwyr'.
Os dewiswch chi ‘Na, peidiwch ag awto-dderbyn newidiadau i gofnodion myfyrwyr’, bydd modd i chi dderbyn neu wrthod ceisiadau i newid y wybodaeth yma yn y Datngosfwrdd Ansawdd Data. I weld sut i wneud hyn, cliciwch yma.
Galluogi mynediad i’r Porth Rhieni
Pan fyddwch chi’n barod, cliciwch ar yr adran Diogelwch a Phreifatrwydd i alluogi eich Porth Rhieni (a’u galluogi nhw i ddefnyddio’r Ap Rhieni hefyd).
- Toglwch i ganiatáu Mewngofnodi i Rieni i alluogi Prif Warcheidwaid eich myfyrwyr cyfredol i fewngofnodi. Gwarcheidwaid myfyrwyr sydd ar gofrestr eich ysgol ar hyn o bryd yw’r rhain, yn ogystal â’r rhai â dyddiad cofrestru yn y dyfodol.
- Toglwch i ganiatáu Mewngofnodi i rieni i alluogi Prif Warcheidwaid eich darpar-fyfyrwyr i fewngofnodi. Darpar-fyfyrwyr eich ysgol ar gyfer y flwyddyn hon neu flynyddoedd y dyfodol yw’r rhain sydd â statws ymgeisydd heb Gofrestru, Wedi Tynnu Nôl neu Wedi eu Gwrthod - gallwch ddarllen rhagor am y broses hon yma
Deunyddiau darllen pellach a Chwestiynau Cyffredin
Angen gwybod rhagor am sut y mae hyn i gyd yn gweithio? Er enghraifft, sut mae ymyriadau’n ymddangos ar y Porth a’r Ap. Darllenwch y Cwestiynau Cyffredin hwylus yma: Cwestiynau Cyffredin am Reoli’r Porth Rhieni a’r Ap
Nodyn pwysig am y gosodiad ‘Mewngofnodi i ddarpar-fyfyrwyr’
Trwy alluogi Mewngofnodi i rieni darpar-fyfyrwyr, bydd rhieni’n gweld bod eu plentyn yn dan ystyriaeth am le yn yr ysgol wrth fewngofnodi i Arbor, hyd yn oed os nad ydych wedi eu hysbysu’n swyddogol eto. Mae hyn yn arbennig o debygol o ddigwydd os yw ysgol gyfredol y plentyn yn defnyddio Arbor eisoes, neu os oes gan y rhiant blentyn arall mewn ysgol Arbor.
I atal hyn rhag digwydd, rydyn ni’n argymell cadw’r gosodiad yma wedi ei ddiffodd nes eich bod chi’n barod i rannu‘r wybodaeth!
Sylwadau
Erthygl wedi cau ar gyfer sylwadau.