Mewngofnodi i MIS yr Ysgol fel aelod o staff a datrys problemau mewngofnodi

Cychwynnwch borwr rhyngrwyd - rydyn ni’n argymell Google Chrome

Ewch i’r URL a anfonwyd atoch yn eich e-bost croeso lle gallwch greu cyfrinair newydd a mewngofnodi.

Os nad oes e-bost croeso gennych, neu os yw’r linc wedi darfod ymhen 96 awr, holwch berson cyswllt Arbor eich ysgol. Ychwanegwch nod tudalen at eich porwr i ddod o hyd i Arbor yn gyflym yfory!

Gallwch glicio’r opsiwn Mewngofnodi am y tro cyntaf? hefyd, a dilyn y camau sydd yno.

Cliciwch ar y linc yn yr e-bost.

Noder: bydd y linc yma’n gweithio am 96 awr yn unig. Os oes 96 awr wedi mynd heibio, gofynnwch i’ch tîm gweinyddol ailosod eich cyfrinair, neu cliciwch ar y dudalen mewngofnodi eto.

Wedyn gallwch greu cyfrinair a mewngofnodi.

Wrth fewngofnodi am y tro cyntaf, bydd angen i chi ddarllen a derbyn ein Hamodau a Thelerau. Ticiwch y blwch ar y gwaelod, wedyn cliciwch Derbyn.

I fewngofnodi i MIS gan ddefnyddio tudalen fewngofnodi eich ysgol, ewch i URL eich ysgol e.e. http://[enwysgolenghreifftiol].uk.arbor.sc

Nodwch eich enw defnyddiwr neu’ch cyfeiriad e-bost a’ch cyfrinair yn y blychau pwrpasol, a chliciwch Mewngofnodi.

 

Os nad ydych chi’n cofio’ch hen gyfrinair, bydd angen i chi ofyn i weinyddwr yn eich ysgol newid eich cyfrinair i chi, a rhannu’r cyfrinair dros dro â chi.

Wedyn bydd angen i chi fewngofnodi gan ddefnyddio’r cyfrinair yma, a’i newid ar ôl mewngofnodi’n llwyddiannus i’ch cyfrif.

Os ydych chi wedi anghofio’ch cyfrinair, gallwch glicio ar y linc Wedi Anghofio’ch Cyfrinair?

Nodwch eich cyfeiriad e-bost a chlicio Cais i newid cyfrinair, a chewch neges e-bost gyda linc i ailosod eich cyfrinair.

Mae gan Arbor gyfleuster i anfon e-bost croeso wrth greu aelodau newydd o staff.

Gellir anfon yr e-bost croeso wrth greu proffil ar gyfer aelod o staff. I greu proffil staff ewch i Ysgol > Holl Staff > Adio Aelod Newydd o Staff.

Wrth adio aelod newydd o staff, rhaid cynnwys:

• Cyfeiriad e-bost
• Tic yn y blwch Anfon E-bost Croeso
• Rôl busnes

Bydd glicio’r botwm creu Aelod o Staff yn anfon e-bost croeso gyda chyfarwyddiadau i fewngofnodi i’r aelod o staff o dan sylw.

Wedyn dylai’r aelod o staff glicio ar y linc yn eu neges e-bost, a bydd hynny’n mynd â nhw i dudalen lle gallant newid eu cyfrinair a mewngofnodi.

Gallwch anfon yr e-bost croeso wrth ychwanegu cyfeiriad e-bost at Proffil Staff aelod o staff hefyd. Yn yr adran Manylion Cyswllt, cliciwch +Adio a dewiswch gyfeiriad e-bost.

Yn y blwch, dewiswch y cyfeiriad e-bost a thiciwch y blwch i anfon yr e-bost croeso.

I ailosod cyfrinair defnyddiwr, gallwch anfon linc i ailosod y cyfrinair atynt trwy e-bost.

Yn gyntaf, bydd angen i chi fynd i broffil y defnyddiwr trwy glicio Ysgol > Holl Staff > Pori Staff a dewis yr aelod o staff o’r rhestr. Fel arall, gallwch gyrchu eu proffil trwy deipio eu henw yn y bar chwilio yn y gornel uchaf ar y dde.

O’r dudalen proffil, sgroliwch i lawr i adran Manylion y Defnyddiwr.

Cliciwch ar yr enw defnyddiwr a bydd blwch yn ymddangos gyda’r opsiynau canlynol:

Ailosod Cyfrinair - os oes cyfeiriad e-bost ar y proffil, cliciwch ar y botwm hwn i anfon neges e-bost â linc i ailosod y cyfrinair yn awtomatig. Cofiwch y bydd y linc yn darfod ymhen 96 awr.

Newid Cyfrinair - Os nad oes cyfeiriad e-bost ar broffil y defnyddiwr, cliciwch ar yr opsiwn yma i newid y cyfrinair â llaw.

Newid Enw Defnyddiwr - os nad oes cyfeiriad e-bost ar broffil y defnyddiwr, rhoddir enw defnyddiwr gwneud nad yw’n gyfeiriad e-bost i’r defnyddiwr, a gallant newid yr enw defnyddiwr trwy glicio ar y botwm yma.

Gall enw defnyddiwr gynhyrchu cais i ailosod cyfrinair ar gyfer y proffil trwy fynd i dudalen mewngofnodi safle Arbor eich Ysgol. Oddi yno, gallant glicio ar y linc Wedi anghofio eich cyfrinair? a fydd yn mynd â nhw trwy gyfres o gamau i greu cyfrinair newydd.

Gallwch weld sut i drwsio hyn yma: Nid yw’r e-bost yn cael ei hanfon, neu mae’n mynd i’r cyfeiriad e-bost anghywir

Os yw’r system yn gofyn i aelod o staff am ddyddiad geni plentyn, mae hynny’n golygu bod y cyfeiriad e-bost wedi cael ei ddefnyddio ar broffil gwarcheidwad - efallai bod un o’u plant wedi bod yn ddisgybl yn yr ysgol.

Bydd angen i chi sicrhau bod y cyfeiriad e-bost ar gyfrif yr aelod o staff yn unigryw trwy ddilyn y cyfarwyddiadau hyn, bydd hynny’n caniatáu iddyn nhw fewngofnodi i’w cyfrif staff.

Sicrhewch eu bod nhw’n defnyddio Google Chrome.

Gwnewch yn siŵr fod cyfeiriad y safle fel a ganlyn: https://[enweichysgol].uk.arbor.sc

 

Gwiriwch y manylion mewngofnodi gan sicrhau eich bod wedi gosod y cyfeiriad e-bost a ddefnyddir ar gyfer Arbor fel enw defnyddiwr.

Adiwch gyfeiriad e-bost gwaith yn yr adran Manylion Cyswllt (os yw’r cyfeiriad ar goll). Gwnewch yn siŵr mai’r cyfeiriad e-bost gwaith sydd wedi ei ragosod - cliciwch ar yr e-bost a diwygiwch y manylion. Dyma fydd eu henw defnyddiwr i fewngofnodi.

Sicrhewch fod gan yr aelod o staff rôl busnes weithredol ar eu proffil staff. Sicrhewch fod y dyddiad gorffen wedi ei osod i ‘parhaol’ neu fod y dyddiad yn y dyfodol - gallwch glicio i newid y dyddiad.

Os nad oes rôl busnes ganddynt, ni fyddan nhw’n gallu mynd i mewn, a bydd neges yn ymddangos sy’n dweud “Nid oes caniatâd gennych i gyrchu Arbor”.

Gwnewch yn siŵr bod yr e-bost am y cyfrinair wedi cael ei anfon llai na 96 awr yn ôl. Os cafodd ei anfon mwy na 96 awr yn ôl, bydd y linc wedi darfod a bydd angen anfon un arall.

Gwnewch yn siŵr na ydyn nhw’n clicio ar y linc yn yr e-bost ailosod cyfrinair. Os ydyn nhw’n clicio ar y linc yma, dylent fynd i’r brif dudalen mewngofnodi yn lle.

Mae’n bosibl y bydd angen adnewyddu’r porwr er mwy cyrchu Arbor. I wneud hyn, bydd angen clirio’r storfa dros dro - cliciwch yma am gyfarwyddiadau ar sut i glirio’r storfa.

Os nad yw hynny’n gweithio, gallwch glicio’r cwcis ar gyfer Arbor - cliciwch yma am gyfarwyddiadau ar sut i wneud hyn ar y porwyr mwyaf cyffredin. Bydd angen i chi ddileu cwcis Arbor ac mae’n bosibl y bydd angen chwilio am y rhain trwy ddilyn y cyfarwyddiadau.