CYBLD Cymru - Addysgu’r Gymraeg

Mae’r canllaw yma’n esbonio’r dudalen Addysgu’r Gymraeg. Mae’r dudalen hon yn cael ei defnyddio i gofnodi data am staff cymwys sy’n addysgu trwy gyfrwng y Gymraeg.
 

Y Gyfres CYBLD

Hwn yw’r canllaw olaf yn ein cyfres ar lenwi CYBLD Cymru. Gallwch gyrchu’r canllawiau eraill yn y gyfres yma:

• CYBLD Cymru - Canllaw Cyffredinol a Throsolwg
• CYBLD Cymru - Y Dudalen Dosbarthiadau
• CYBLD Cymru - Prydau Bwyd a Nodweddion yr Ysgol
• CYBLD Cymru - Cyfrifo Disgyblion
• CYBLD Cymru - Athrawon a Staff Cymorth
• CYBLD Cymru - Addysgu’r Gymraeg (y canllaw hwn)
   

Caniatâd

• I gyrchu a golygu’r data yma, rhaid i chi fod â chaniatâd Ysgol: Datganiadau Data: Gweinyddu.

Os nad oes gennych chi’r caniatâd yma, gofynnwch i staff swyddfa neu weinyddwr eich ysgol i’w ychwanegu at eich proffil i chi.
 

Beth yw’r dudalen Addysgu’r Gymraeg?

Mae’r dudalen hon yn cofnodi nifer yr athrawon sy’n gymwys, a chyfanswm nifer yr oriau yr wythnos y maent yn addysgu trwy gyfrwng y Gymraeg neu’n addysgu’r Gymraeg fel pwnc.
 

Llywio

• Ewch i Ysgol > Data > Allforio > Datganiadau Data.
• Dewiswch CYBLD
• Dewiswch Addysgu’r Gymraeg o’r ddewislen ar y chwith.
   

Gweladwyedd

Mae’r dudalen hon yn weladwy ar gyfer ysgolion Cynradd, Uwchradd a Chanol. Caiff ei chuddio ar gyfer ysgolion Meithrin ac Arbennig.
 

Defnyddio’r Awto-gyfrifiannell

I symleiddio’r broses adrodd, mae Arbor yn cynnwys cyfrifiannell awtomatig sy’n cyfuno data o Gontractau Staff cyfredol ac Amserlenni’ch Cyrsiau.
 

Rhybuddion Pwysig

• Risg o Drosysgrifio: Bydd sbarduno ail-gyfrifiad yn trosysgrifio’r holl ddata cyfredol yn yr adran hon. Os ydych chi wedi ychwanegu rhes ar gyfer athro/athrawes nad ydynt ar eich amserlen, caiff y wybodaeth yna ei cholli.
• Ffynhonnell y Data Os nad yw’r awto-gyfrifiannell yn cynhyrchu’r canlyniadau disgwyliedig, y cam cyntaf yw gwneud yn siŵr bod Rôl Busnes y Cyfrifiad yn gywir yng Nghontractau eich Staff, a bod y gosodiadau cywir ar Amserlenni’ch Cyrsiau yn y maes Defnyddio’r Gymraeg yn y Dosbarth. Bydd trwsio ffynhonnell y data ac ailredeg y cyfrifiannell yn sicrhau cysondeb hirdymor y data ar draws yr MIS.
   

Sut i wneud hyn

• Chwiliwch am y Faner Gwybodaeth las ar frig y dudalen.
• Cliciwch y botwm Ailgyfrifo y tu fewn i’r faner.
• Bydd y system yn clustnodi staff cymwys a’u hymrwymiadau addysgu Cymraeg ar gyfer wythnos y cyfrifiad, ac yn llenwi’r tabl. Caiff y data ei arddangos ar ffurf tabl wedi ei grwpio yn ôl y cyfuniad unigryw Categori, Rhyw a Chyfnod Swydd.

Meysydd Data Allweddol

Ar gyfer pob grŵp o athrawon, rhaid i chi ddarparu (neu ddilysu) y meysydd canlynol. Caiff y data ei grwpio yn ôl Categori, Rhyw a Chyfnod Swydd.
 

1. Categori Addysgu’r Gymraeg

Rhaid i chi ddewis rôl/statws cymhwyster penodol ar gyfer y grŵp o athrawon. Mae categorïau cyffredin yn cynnwys:

• Addysgu’r Gymraeg fel iaith gyntaf.
• Addysgu’r Gymraeg fel ail iaith.
• Cymwys ond ddim yn addysgu’r Gymraeg.
• Ddim yn gymwys i addysgu’r Gymraeg.
   

2. Rhyw a Chyfnod Swydd

Rhyw: Gwrywaidd neu Fenywaidd.

Cyfnod Swydd: Llawn-amser (FT) neu Ran-amser (PT).
 

3. Nifer

Cyfanswm nifer yr athrawon sy’n cyd-fynd â’r cyfuniad penodol yma o Gategori, Rhyw a Chyfnod Swydd.

• Dilysu: Rhaid i’r nifer fod rhwng 1 a 99.
   

4. Oriau Addysgu’r Gymraeg

Cyfanswm nifer cyfanredol yr oriau yr wythnos y mae’r grŵp yma’n addysgu trwy gyfrwng y Gymraeg.

• Y Rheol Dim Oriau: Os yw’r categori yn “Cymwys ond ddim yn addysgu’r Gymraeg” neu “Ddim yn gymwys”, rhaid rhoi 0 yn y maes oriau. Os nodwch chi oriau yn y fan yma, bydd y cyfrifiad yn codi gwall.
   

Cofnodi â Llaw

Os nad yw’r awto-gyfrifiannell yn cofnodi trefniant penodol (er enghraifft, os nad yw Arbor yn adlewyrchu amserlen athro yn llwyr), gallwch adio data â llaw.

1. Cliciwch y botwm Adio yng nghornel uchaf yr adran ar y dde.
2. Dewiswch y categori Addysgu’r Gymraeg, Rhyw a Chyfnod y swydd o’r cwymplenni.
3. Cofnodwch y Nifer a’r Oriau.
4. Cliciwch Creu.

Golygu neu ddileu cofnod

• I Olygu: Cliciwch unrhyw res yn y tabl i agor y blwch llithro Golygu. Ar y sgrin yma, mae’r Categori, Rhyw a Chyfnod y Swydd wedi eu cloi; i newid hyn, rhaid dileu’r cofnod a chreu un newydd.
• I Ddileu: Mae botwm “Dileu” yn y blwch llithro Golygu i ddileu casgliadau gwallus.